Елордада «Тәуелсіздік және Қазақстанның агроөнеркәсіп кешенінің дамуы» атты конференция өтіп жатыр

Елордада «Тәуелсіздік және Қазақстанның агроөнеркәсіп кешенінің дамуы» атты ғылыми конференция өтіп жатыр. Бұл «Ауыл» халықтық-демократиялық патриоттық партиясының «Отыз игі іс» акциясы аясында ұйымдастырылған. Оған 70-ке жуық ғалым мен өндіріс ұжымы шақырылған.

Конференция аграрлық саладағы ең үздік жобалар жинақталған көрмеден басталды. Келшушілер еліміздің агроөнеркәсіп кешені мен ауыл-аймақтардың дамуындағы 30 жылдық тарихына шолу жасады. Арасында егемендіктің алғашқы қарлығаштары атанған шаруашылық жетекшілері мен тәуелсіздікпен құрдас жас кәсіпкерлер де бар.

Әли Бектаев, «Ауыл» партиясының төрағасы:

30 жылдың көлемінде біздің ең үлкен жеткен жетістігіміз, біріншіден, осы аграрлық саланы дамытудың негізгі заңнамалық базасын қалыптастырып үлгердік. Қазір шетелдік эксперттердің, халықаралық сарапшылардың бағасы бойынша бізде қабылданған агросалаға қатысты заңнамалардың көбісі халықаралық талаптарға толық сай келеді.