Қара алтын бағасы тағы да қымбаттады

Теңгенің нығаюына мұнайдың қымбаттауы да әсер етсе керек. Бүгін қара алтын құны бірден 3 пайызға өсіп, баррельдің бағасы қайта 75 доллардан асты. Негізі мұнай коронавирустың жаңа штамына байланысты өткен аптада күрт арзандаған еді. Енді омикрон өндіріске кері әсер етпей деген болжамдар және Сауд Арабиясының мұнайды АҚШ пен Азия елдері үшін қымбаттату туралы шешімі бағаны қайта өсіріп жіберді. Айта кетейік, бұған дейін «ОПЕК+»-ке мүше елдер мұнай өндірісін біртіндеп арттыруға келіскен еді. Соған сай еліміз өндірісті тәулігіне 16 мың баррелге арттырып жатыр.