Алматыда эпидахуал тұрақты

Алматыда коронавирус жұқтырушылар саны азайып, эпидахуал тұрақталып келеді. Қоғамдық денсаулық басқармасының мәліметінше, соңғы тәулікте 60 адамнан инфекция анықталған. Стационарларда 362 науқас емделіп жатыр. 40 пациенттің жағдайы ауыр, дейді дәрігерлер. Мегаполистегі жаппай вакцинациялауға келсек, бір тәулік ішінде екі компонентты 1500-ден астам адам салдырған. Қалада 132 екпе егу пункті жұмыс істеп тұр. Pfizer екпесін 14 500 адам, оның ішінде 880 жүкті әйел және емізулі баласы бар 3 мыңнан астам аналар салдырған. Сондай-ақ аталған вакцинамен 12-18 жас аралығындағы 10 мың жасөспірім егілді.

Ұлжан Шормақова, №1 емхананың педиатр дәрігері: 

Ешқайсысында жанама әсерлері байқалған жоқ. Ата-ананың келісімімен, ата-ананың қатысуымен Pfizer вакцинасы салынады. Бала вакцина алғаннан кейін 30 минут дәрігердің қарауында болады. 3 күн дәрігердің қарауында болады.