Халықаралық сарапшылар АҚШ пен Қытай қарым-қатынасын талқыға салды - «Qazaqstan» Ұлттық телеарнасы

Халықаралық сарапшылар АҚШ пен Қытай қарым-қатынасын талқыға салды

16.11.2021

АҚШ пен Қытай арасындағы экономикалық байланыс тараптарды тығыз қарым-қатынас орнатуға алып келуі мүмкін. Астана клубының 6-отырысында «Қытай және жаһандануды зерттеу орталығының» президенті Ван Хуэйяо осылай деп мәлімдеді. Сарапшының пікірінше, екі ел арасындағы біраз жылға созылған текетірес аяқталуға жақын. Алайда жиынға қатысқан өзге мамандардың сөзінше, Қытай Американы басып озу үшін жаңа технологиялар енгізіп жатыр. Бұл Бейжің мен Вашингтонның арасын алшақтатып жіберуі мүмкін дейді олар. Ал қазақстандық сарапшы Ерлан Мәдиев екі ел басшысының байланысып, саммит өткізуіне алдағы ауқымды шаралар түрткі болғанын айтты.

Ерлан Мәдиев, Әлемдік экономика және саясат институтының сарапшысы:

Келесі жылы Қытай партиясы ХХ бүкілқытайлық съезін өткізеді. Осы жиынға дайындалу кезінде әрине Қытайға сыртқы саясатта, соның ішінде ең басты – АҚШ бойынша ешқандай проблемалар қажет емес. Осы съезді мейлінше тиімді өткізу үшін тұрақты сыртқы орта қажет.


Хабарламаларға жазылу