Бидай қымбаттады: Елімізде тоннасы 120 мың теңге

Әлемде бидай бағасы өсті. Chicago тауар биржасының сарапшылары соңғы рет өсім 2012 жылы байқалған дейді. Ал, өткен айда құны бірден 6,5 пайызға шарықтап шыға келді. Мамандар енді астық тұқымды өнімдердің де бағасы өседі деп болжайды. Бидай құнның күрт қымбаттауына бірнеше фактор әсер етті. Бастысы биылғы ауа райының қолайсыздығы. Онымен қоса Ресей бидай экспортына салық енгізген соң нарықта тапшылық туындады. Айта өтейік, қазір бидайдың еліміздегі бағасы тоннасына 120 мың теңге шамасында. Алайда отандық сарапшылар өсім әлі де жалғасады дейді.