Елордада кибер қауіпсіздік саласындағы мәселелер талқыланды

Елордада еліміздің жетекші айти компаниялары мен мемлекеттік мекемелер еліміздің кибер қауіпсіздігін нығайту мәселесін талқыға салды. Қазіргі таңдағы ең өзекті проблема жеке мәліметтерді қорғау болып отыр. Соңғы жылдары адамдар туралы ақпаратты ұрлау немесе тіпті желіге тарап кеткен жағдайлар жиілеген. Бұл информацияны теріс пиғылды қылмыскерлер өз пайдасына асырып кетуі мүмкін. Алдағы уақытта бұл проблеманы оңтайлы шешу үшін арнайы заң жобаларын әзірлеу қажет дейді мамандар.

Арман Әбдірасылов, «Зерде» холдингінің басқарма төрағасы: 

Сол заң жағынан бірінші реттеу керек. Одан кейін қалған жақтары өзімен-өзі жөнделеді деп ойлаймын. Маман жағы, штраф жағы айтылып жатыр оның бәрі заңда айтылатын мәселелер.