Үкіметтік емес ұйымдар академиясында 1020 адам білімін жетілдірді

Үкіметтік емес ұйымдар академиясында оқығандарға сертификат табысталды. Осы жылдың наурыз айында басталған жобаның басты мақсаты - азаматтық сектордың әлеуетін арттыру. Биыл ғана ашылған Академияда үкіметтік емес ұйым өкілдері 3 бағытта білім алды. Біріншісі - жалпы білім беру деп аталады. Оған барлығы 811 адам жазылып, маркетинг және PR, фандрайзинг, ақпараттық технологиялар және әлеуметтік жобалау тақырыбы бойынша онлайн тренингтерге қатысты.

167 адам әлеуметтік кәсіпкерлік мектебінде оқып шықты. Ал қалған түлектер жаттықтырушыларға арналған тренингтерде білімін жетілдірген. Алдағы уақытта, үкіметтік емес ұйым өкілдерін оқыту үшін мобильді қосымшаны да пайдалану көзделіп отыр.