Қарағанды облысында соңғы екі аптада 14 көлік жанып кетті

Соңғы екі аптада Қарағанды облысының аумағында 14 автомобиль өртеніп кетті. Ал жыл басынан бері өңірде барлығы 198 көлік отқа оранған. Автокөліктегі өрттердің жиіленуіне ашық от немесе электр жүйесінің техникалық талапқа сай еместігі негізгі себеп болған. Әсіресе күн суыта мұндай жайттар жиілейді.

Қысқы уақытта өрт қатып қалған көліктерді ашық отты қолдану арқылы жылыту кезінде болады. Сондай-ақ, әртүрлі қосымша электр жабдықтарын пайдалану салдарынан қысқа тұйықталуға әкеп соғады екен. Төтенше жағдай қызметі тұрғындарға көлікке уақытылы техникалық қызмет көрсетуден өту және жөндеу жұмыстарын жүргізіп отыруды ұсынады.