Алматыда той кортежінде оқ атылды

Той кортежіндегі көлік жолаушысы аспанға оқ атты. Оқиға сенбі күні Алматы облысының Қаскелең қаласында болған.

Тойда серуендеп жүргендер бірнеше рет жол ережесін бұзып, «Mercedes» маркалы автокөлігінің терезесінен денесін шығарып, аспанға оқ атқан сәті бейнекамераларға түсіп қалған.

Тәртіп сақшылары бұзақыларды анықтап, Қылмыстық және әкімшілік кодекстің бірнеше бабы бойынша іс қозғады. Көліктері айып тұрағына қойылды. Ал 25 жастағы азамат өз кінәсін мойындап, тұрғындарды үрейліндіргені үшін халықтан кешірім сұрады.