Алматыда 300 түп ағаш заңсыз кесілген

Алматыда 300 түп ағаш заңсыз кесілген. Жасыл-желектің оталып жатқанын байқаған қала тұрғындары құзырлы органдарға шағымданған. Белгілі болғандай, кәсіпкердің Керей мен Жәнібек хандар көшесіндегі 1,5 гектар аумақта ағаш кесуге рұқсаты болмаған. Оталған ағаштардың тұқымы мен түрлері әлі нақтыланбады.

Алдын ала дерек бойынша, Қазақстанның Қызыл кітабына енген сиверс алма ағашы да болуы мүмкін. Қалалық полиция департаментінің хабарлауынша осы дерек бойынша арнайы сараптама тағайындалған. Рұқсатсыз ағаш кескен кәсіпкердің үстінен қылмыстық іс қозғалды.