«QazVac» вакцинасын жасайтын екінші өндірістік алаң іске қосылды

Елімізде коронавирусқа қарсы вакцина жасайтын екінші өндірістік алаң іске қосылды. Премьер-Министрдің орынбасары Ералы Тоғжанов «Антиген» кәсіпорнының жұмысымен танысты. Мұнда жеңілдетілген несие арқылы екпе өндіруге арналған технологиялық жабдықтар сатып алынған. Оған Алматы облысы әкімдігі қолдау көрсетіп отыр. Осы айда «Антиген» алаңында «QazVac» вакцинасының 300 мың валидациялық сериясы шығарылды. Кәсіпорын айына 1 млн доза екпе өндіруге қауқарлы.

Дарын Сағитов