Тоқаев Қырғызстан Президентінің атына құттықтау жеделхатын жолдады

Қасым-Жомарт Тоқаев Қырғызстан Тәуелсіздігінің 30 жылдығына орай осы елдің басшысы Садыр Жапаровқа құттықтау жеделхатын жолдады.

«Бұл – егемен Қырғызстан тарихындағы ұлттың бірлігін, тұрақтылығын, жасампаздық рухын бейнелейтін, Қырғыз елінің ұзақ мерзімді және тұрақты дамуы үшін мәңгілік маңызды күн», – делінген жеделхатта. Сондай-ақ, президент қазақ пен қырғыз халқы өзара жетістіктерге шынайы қуанып, бір-біріне үнемі қолдау көрсетіп келетінін айтты. Күш-жігерімізді жұмылдырып, көп қырлы ынтымақтастығымыздың тұрақты дамуына тың серпін бере алатынымызға сенімдімін», деді Президент.

Садыр Жапаровтың жауапты мемлекеттік қызметіне толағай табыс, бауырлас қырғыз халқына өркендеу мен өрлеу тіледі.  

Ләйлә Дулатқызы