Жаңалықтарды Telegram арнамыздан оқыңыз!Ресейдің Камчаткасында бортында 16 жолаушы мінген Ми-8 туристік тікұшағы Куриль көліне құлап, 100 метр тереңдікке батып кетті. Жолаушылардың біреуі - бала, үшеуі - экипаж мүшесі. Апат кезінде 8 адам аман қалып, олардың бесеуі ауруханаға жеткізілген. Ал, қалған сегізінің тағдыры әзірге белгісіз.
Құтқарушылардың сөзінше, жоғалып кеткендердің тірі қалғанына сенім аз. Себебі, көл суының температурасы 6 градустан аспайды. Құтқарушылар оқиға орнына санаулы секундтарда жеткен екен. Олар 8-9 метр тереңдіктен өз бетімен шыққан 8 адамды құтқарып, бірнеше мәрте көл маңын тексерген. Алайда, өзге ешкім табылған жоқ.
Апатқа ұшыраған Ми-8 "Витяз-Аэро" компаниясына тиесілі. Кәсіпорын өкілдерінің сөзінше, тікұшақ 2020 жылы күрделі жөндеуден өткен. Әуе көлігі 40 жылға жуық уақыт бойы қолданыста болған екен. Қайғылы жағдай бойынша қылмыстық іс қозғалды.
Арай Төлегенқызы
