Өткен тәулікте 1747 адам коронавирус жұқтырған

Елде эпидахуал тұрақталып келеді. Вирустың таралуы бойынша қазір «сары деңгейде» тұрмыз. Өйткені, 4 өңірде жағдай күрделі болса, 5 облыста орташа. Ал, қалған өңірлер жасыл аймақта.

Індетке шалдыққандар саны да азайып келеді. Кеше 1747 адамның вирус жұқтырғаны анықталса, 2444 адам жазылып шыққан. Ал, вирустық белгілері бар пневмонияға 80 адам шалдыққан. Қазір 30 мыңнан астам адам емделіп жатыр, олардың 154-інің жағдайы өте ауыр.