Ақмола облысында құс фабрикасы өртенді

Ақмола облысындағы Макинск құс фабрикасының бір ғимараты отқа оранды. Өрт кеше кешке болды. Қызыл жалын 800 шаршы метр аумақты шарпыған. Оқиға орнына дереу жеткен өрт сөндірушілер 43 минутта отты сөндірді. Ғимараттың жалпы ауданы екі мың шаршы метрге жақын. Өрт кезінде онда құс болмаған. Жарақат алғандар, зардап шеккендер жоқ. Өрттің шығу себептері анықталып, шығын көлемі есептеліп жатыр.

Ермек Елберген