Латвияда хостел өртеніп, 8 адам қаза тапты - «Qazaqstan» Ұлттық телеарнасы

Латвияда хостел өртеніп, 8 адам қаза тапты

28.04.2021

Латвия астанасы Ригадағы хостелдердің бірінде өрт болып, сегіз адам қаза тапты. Тоғыз тұрғын жараланып, 24 адам эвакуцияланды. Меймандардың көбі – шетел азаматтары. Оқиға шамамен таңғы сағат 5.00-де болған. Алты қабатты ғимараттың дәлізі мен бөлмелері және шатыры жанып кеткен. Өртті сөндіруге 50-ге тарта маман жұмылдырылды. Қала басшылығының хабарлауынша, хостел заңсыз жұмыс істеп тұрған. Қазір оқиғаға қатысты қылмыстық іс қозғалды, апаттың себептері анықталып жатыр.

Жансая Қапасқызы

Хабарламаларға жазылу