Тоқаев Үкіметке отандық вакцина өндірісін арттыруды тапсырды

Президент Қасым-Жомарт Тоқаев Премьер-Министр мен Денсаулық сақтау министрін қабылдады. Қазақстан COVID-19 індетіне қарсы вакцина шығарған он мемлекеттің және әзірлемелерін тіркеген бес елдің қатарына кірді. Ай сайын 2 миллион адамға вакцина салу жоспарланып отыр. Ал, 3 күннен соң «ASHYQ» қосымшасы барлық облыста қолданылмақ. Сондай-ақ Үкімет басшысы Асқар Мамин Президентке жұқпалы аурулар ауруханасындағы орындар 42, жансақтау бөлімдері 28 пайызға толық екенін жеткізді.  Дәрі-дәрмек пен қорғаныс құралдарының қажетті қоры бар. ПТР-зертханаларында күніне 123 мың адам қабылданады. Тағы 25 мың төсек-орны қосымша әзір тұр.

Нысаналы Ығыл