Зеленский Путинге Донбасста келіссөз жүргізуді ұсынды - «Qazaqstan» Ұлттық телеарнасы

Зеленский Путинге Донбасста келіссөз жүргізуді ұсынды

21.04.2021

Украина президенті Владимир Зеленский ресейлік әріптесі Владимир Путинді өз елінің шығысындағы әскери жанжалды тоқтату үшін Донбасста бейбіт келіссөз жүргізуді ұсынды. 

Сонымен қатар, видео үндеуде ол Батысты Мәскеумен тайталаста Украинаны анық қолдауға шақырды. Тағы бір сөзінде Зеленский соғысты қаламайтынын, алайда қажет болса, Украина Ресеймен соғысуға дайын екенін де атап өтті. 

Ал, әлем ақпарат құралдары Ресей әскерінің Қырым мен Донбасс маңына шоғырланып жатқаны туралы спутниктен түсірілген суреттерді жариялады. Ресми Киевке сенсек, Кремль бұл аймаққа 120 мыңнан астам жауынгер мен техника шоғырландырған. Алайда, Мәскеу олардың ешкімге қауіп төндірмейтінін мәлімдеп отыр.

Арыстан Рысбек

Донбасс Қырым

Хабарламаларға жазылу