Жаңалықтарды Telegram арнамыздан оқыңыз!Иран ядролық келісім бойынша АҚШ-тың ұсыныстарын қабылдамады. Бұл туралы Ислам Республикасының рухани жетекшісі Аятолла Әли Хаменеи мәлімдеді. Ал, Венада осы мәселе бойынша сәуірдің 7-де басталған келіссөздер бүгін қайта жалғасады. Онда әлем державалары мен Тегеран 2015 жылы қол қойылған ядролық келісімді қайта жандандыру жолдарын талқылайды.
Бұл құжатқа сәйкес, Ислам Республикасы атом қаруын жасаудан бас тартып, өзінің нысандарына халықаралық бақылаушылардың келуіне рұқсат беруі тиіс. Ал, бұған жауап ретінде АҚШ, Еуропа одағы және Біріккен Ұлттар Ұйымының Қауіпсіздік кеңесі Иранды экономикалық санкциялардан босатуы керек.
Жансая Қапасқызы
