Оңтүстік-Шығыс Азия елдерінде коронавирус өршіп тұр

Үндістанда өткен тәулікте коронавирус жұқтырғандар саны 200 мыңнан асты. Антирекорд сегізінші күн қатарынан жаңаруда. Дәрігерлер ауруханаларда орын мен оттегі балондары жетіспейді деп дабыл қағып отыр. Мұндай жағдай басқа да Оңтүстік-шығыс Азия елдерінде байқалады. Індеттің өршуінен Камбоджа астанасы карантинге жабылды. Ал Таиландта ойын-сауық орындарының ашық болуынан науқастар саны күрт көбейіп, шектеулер күшейтіле бастады.

Дания AstraZeneca вакцинасынан толықтай бас тартты. Бұған перпаратты қолданған адамдарда тромбтың пайда болуы себеп. Дәл осындай жанама әсер америкалық Jonson&Jonson екпесінде де анықталған еді. Cоған қарамастан, Испания, Франция сияқты Еуропа елдері оны қолдануды жалғастыратынын мәлімдеп отыр.

Жансая Қапасқызы