Теңіз мұнай кенішінен ақау шығып, ауаға зиянды қалдық тарады

Атырау облысында орналасқан Теңіз мұнай кен орнындағы зауыттан ақау шығып, көп мөлшердегі зиянды қалдық ауаға тарады. Мұржа арқылы будақтаған сары түтінді жұмысшылар бейнекамераға түсірген. Кейін жазба әлеуметтік желіге тарап кетті. Экология департаменті қондырғының автоматты түрде бұғатталғанын хабарлады. Жоспардан тыс тексеру жүргізілмек. Өткен жылы ТШО компаниясынан қоршаған ортаға аса ірі көлемде зиян келтіргені үшін 2 млрд теңгеден астам ақша өндірілді.

Жандос Темірғали