Жаңалықтарды Telegram арнамыздан оқыңыз!Қазақстанда 2025 жылға дейін білім гранттарының саны 50 пайызға артады. Бұл туралы Білім және ғылым министрі Асхат Аймағамбетов мәлімдеді.
«2025 жылға дейін гранттар саны 50 пайызға артады. Гранттардың бірнеше түрлері енгізіледі. Мемлекет басшысының тапсырмасы бойынша соңғы бір жылдың ішінде студенттерге арналған стипендиялар мөлшері - 25, докторанттарға - 83 пайызға ұлғайтылды. Енді 2025 жылға дейін студенттердің стипендиясы тағы 2 есеге, магистранттар мен докторанттардың стипендиясы 1,5 есеге артады», - деді ол Үкімет отырысында.
Министрдің айтуынша, 2020 жылы 20 мың орындық 75 жатақхана пайдалануға берілді. 2025 жылға қарай кемінде 50 мың жаңа орын пайдалануға беріледі.
