Мемлекет басшысы ЕҚҚДБ президентімен кездесті

Мемлекет басшысы Еуропалық қайта құру және даму банкінің президентімен кездесті. Онлайн форматтағы жүздесуде Қасым-Жомарт Тоқаев Одиль Рено-Бассоны қаржылық институтқа президент болып сайлануымен құттықтады. Әңгімелесу барысында автомобиль жолдарын салу, жаңартылған энергия көздерін дамыту, Қазақстандағы гидроэнергетика мәселелері талқыланды.

Қасым-Жомарт Тоқаев, Қазақстан Республикасының Президенті:

-Еуропалық қайта құру және даму банкі - Қазақстанның маңызды стратегиялық серіктесі. Екіжақты ынтымақтастық жылдарында қаржылық институт біздің елдің экономикасына, атап айтқанда 300-ге жуық жобаға 9 млрд доллардан астам инвестиция салды. Бұл бағыттағы жұмыстар жалғасын тауып, түрлі саладағы серіктестігіміз нығая түседі деген сенімдемін. Болашақта әріптестік аясында қандай іс-жоспарларыңыз бар?

Одиль Рено-Бассо, Еуропалық қайта құру және даму банкінің президенті:

-Біз Қазақстанмен тығыз қарым-қатынас орнатып, жемісті жұмыс істеп келеміз. Сол үшін мен өте қуаныштымын. Банк Қазақстан Үкіметпен тығыз ынтымақтастық орнатуға және энергетика, инфрақұрылым, инвестиция салалары бойынша жобаларды белсенді дамытуға дайынбыз.

Дарын Сағитов