Биыл елімізде су тапшылығы болуы мүмкін - Мағзұм Мырзағалиев

Бүгін Президент Экология, геология және табиғи ресурстар министрін қабылдады. Мағзұм Мырзағалиев Мемлекет басшысына биылғы өсімдік өсетін кезеңді сумен қамтамасыз ету мәселесі жайында айтты. Министрдің сөзінше, биыл қардың аз түсуіне байланысты елімізде су тапшылығы болуы мүмкін. Бұл ретте Президент су арналарын цифрландыру жөніндегі жұмыстың маңыздылығына тоқталды. Алдағы 5 жыл ішінде бүкіл республика бойынша 119 арнаны цифрландыру қажет. Сонымен қатар, Президентке 10 жыл ішінде балық өндірісін 9 мыңнан 270 мың тоннаға дейін арттыруға мүмкіндік бары, ұлттық парктердің жай-күйі туралы ақпарат берілді.