Балалар қауіпсіздігін қамтамасыз ету үшін мемлекеттік бақылауды күшейту керек - Тоқаев

ҚР Президенті Қасым-Жомарт Тоқаев VII шақырылымдағы Парламенттің 1-сессиясының ашылуында бала құқықтарын қорғау жөнінде сөз қозғады.

«Біз бала құқықтарын қорғау жөніндегі ауқымды мәселелерді шешуге тиіспіз. Балалардың қауіпсіздігін қамтамасыз ету, балалар арасындағы суицид пен буллингтің алдын алу үшін мемлекеттік бақылауды күшейтіп, тиімді тетіктерді қарастырған жөн», - деді Мемлекет басшысы.

«Бізде омбудсмен институты бар. Бірақ, ол әзірге өзінің әлеуетін толық көрсете алмай отыр. Сондықтан, жақын арада Омбудсмен туралы арнаулы заң қабылдауымыз керек», - деп толықтырды Қасым-Жомарт Тоқаев.