Қорғас кеден бекеті аумағында кісі өлімі болды

Алматы облысының Панфилов ауданындағы Қорғас кеден бекеті аумағында кісі өлімі болды. Облыстық Ішкі істер департаментінің хабарлауынша, 4 маусымда «Қорғас» шекара маңы ынтымақтастық халықаралық орталығында екі саудагер жанжалда қалған. Бейнебақылау камерасына түсіп қалған видеода жас жігіттердің ерегісіп қалғанын, содан кейін төбелескенін көруге болады. Бірнеше сәттен соң бір жігіт жерге құлайды.  Қазір төбелескен адамдардың Панфилов ауданының тұрғындары екені анықталды. Адам өлтірді деген күдікпен ұсталған 22 жастағы азамат тергеу абақтысына қамалды.

Айдос ҚАРАБАЛА