Балқаш көліне батып кеткен балықшы табылмай жатыр

Қарағанды облысындағы Балқаш көліне батып кеткен балықшының денесі әлі табылмай жатыр. Сүңгуірлер көлдің 60 мың шаршы метр жерін жүзіп өтсе де, еш нәтиже жоқ. Бұған қоса ұзындығы бір шақырымға жететін ау да құрылды.

Естеріңізге сала кетейік, осыдан бірер күн бұрын 4 адам көлікпен көлге шығып, балық ауламақ болған. Алайда, мұз жарылып, автомобиль суға кетеді. Үш адам өз бетінше жағаға шықса, біреуі хабар-ошарсыз.

Руслан НҰРЛАНҰЛЫ