Мемлекет басшысы жасанды интеллект тақырыбына арналған онлайн-конференцияға қатысты

Мемлекет басшысы Қасым-Жомарт Тоқаев Ресей Президенті Владимир Путиннің шақыруымен жасанды интеллект тақырыбына арналған онлайн-конференцияға қатысты. Жиында сөз алған Президент Біз қазір нейрондық жүйе мен машинамен оқыту дәуірінде өмір сүріп жатырмыз. Экономика, қауіпсіздік, медицина сынды түрлі салада жасанды интеллект кеңінен қолданылады деп атап өтті. Сондай-ақ пандемия кезінде мұндай озық технологияларды қарапайым адамдардың да пайдалана бастағанына тоқталды. Мемлекет басшысының пікірінше, жасанды интеллект адамзат өркениеті үшін қызмет етуі керек. Мұны әлем елдері де қолдауы тиіс. Шарада ел Президенті ресейлік әріптесіне шақыртуы үшін алғысын білдірді.  

Қасым-Жомарт Тоқаев, Қазақстан Республикасының Президенті: 
-Біз келешек ұрпаққа қандай болашақ сыйлаймыз? Бұл ортақ жұмысымызға байланысты. Онда инженерлердің, IT-мамандары мен экономистердің, тіпті саясаткерлердің үлесі болады. Қазір бизнес саласы осы жасанды интеллектінің арқасында қарыштап дамып, көкжиегін кеңейтті.