Жаңалықтарды Telegram арнамыздан оқыңыз!Талдықорғанда қала күні қарсаңында 320 орындық жаңа балабақша пайдалануға берілді. Мектепке дейінгі мекеме ғимаратын жеке кәсіпкер өз қаражатына салып, ішін бастан-аяқ жабдықтады. Мемлекеттік-жекеменшік серіктестік негізінде бой көтерген балабақшада 16 топ ашылып, 100-ге жуық адам жұмыспен қамтылмақ. Бүгінде қала бойынша 8 мың бала бөбекжайға барады. Балдырғандарды бақшамен қамту көрсеткіші - 85,8 пайыз. Жыл соңына дейін бұл көрсеткішті 87 пайызға жеткізу жоспарланған.
Қуаныш Қанаұлы
