Қызылорда облысында 60 мыңға жуық оқушы дәстүрлі оқу форматына көшеді

Сыр өңірінде карантиндік шектеулер біршама жеңілдетілді. Аймақта екінші тоқсаннан бастап бала саны 300-ден аспайтын мектептер дәстүрлі оқуға көшетін болды. Облыста мұндай талапқа сай келетін 121 білім ордасы бар. Бірінші мен бесінші сынып аралығындағы оқушылар ғана сабақты мектепте оқиды. Бірақ оның өзі міндетті талап емес. Балалар тек ата-аналардың өтінішімен қабылданады. Олар кезекші топтарға бөлініп, әр сыныпта 15 оқушыдан аспауы тиіс. Сондай-ақ санитарлық талаптарға айрықша көңіл бөлінеді. Мәселен, мектепке қатынайтын балалар 5 түрлі сатыдан тұратын дезинфекциядан өтіп барып сыныпқа кіреді.

Ақзира Қасымова, облыстық Білім басқармасының басшысы:

Өткен оқу тоқсанында 38 мыңдай бала оқыса, бұл жолы осы 2-тоқсанда 60 мыңға жуық бала дәстүрлі түрде оқуға көшкелі отырмыз. Кезекші сыныптарда балалардың қауіпсіздігін сақтау мақсатында шахматтық әдіспенен балалар отырғызылатын болады.

Әділбек Серікұлы