Жаңалықтарды Telegram арнамыздан оқыңыз!Алматы әкімі Бақытжан Сағынтаев көпшілік жиындар өткізуге тапсырыс қабылдайтын кафе және ресторан иелеріне қатаң ескерту жасады. Мегаполис басшысы эпидемиологиялық ахуалдың ушығып бара жатқанын айтып, оған той-томалақтың өтуі себеп деді. Соңғы уақытта мониторингтік топтар 2 мыңнан астам кәсіпкерлік нысанды тексеріп, карантин талаптарын бұзған 500-ге жуық мекемені анықтаған.
Бақытжан Сағынтаев, қала әкімі:Тұрғындар мейрамхана иелерімен келісуге болатындығын біледі. Осылайша той жасайды. Бұл кімге керек? Адамдар қалайша тәуекелге барады? Кәсіпкерлер отпен ойнап жүргендерін түсінбейді. Рұқсат болмағаннан кейін жұмысты тоқтату керек. Табысты емес, адамдардың денсаулығын ойлау қажет.
