Президент мемлекеттік туға қатысты заңды өзгерту керегін айтты

Қасым-Жомарт Тоқаев мемлекеттік туды кеңінен қолдану туралы ұсынысты қолдайтынын білдірді. Мемлекет басшысы өзінің Twitter парақшасында рәміздерді пайдалану қағидаларын қайта қарау қажеттігін айтқан.

Президент қолданыстағы заңнамада туды пайдалануға қатысты шектеулер барын, пәтерлердің балконына немесе үйлердің қабырғасына ілуге тыйым салынғанын атап өткен. Сол себепті заңнамалық және нормативтік актілерді, яғни, мемлекеттік рәміздерді пайдалану қағидаларын қайта қарау қажеттігін жазған.

Айта кетейік, бұған дейін Парламенттің бірқатар депутаты мен патриот азаматтар мемлекеттік туды кеңінен қолдану туралы ұсыныс білдірген еді. 

Фариза Мұсақызы