Павлодарда 4 қабатты сауда орталығы өртенді

12.10.2020

Павлодар қаласында 4 қабатты сауда үйі өрттенді. 7 мың шаршы метрлік ғимараттың 1-ші және 2-ші қабатындағы 1500 шаршы метр аумақтың сау тамтығы қалмады. Негізінен дүңгіршектер мен әкімшілік қызметкерлері отыратын кеңсе отқа оранған. Өрт түн ішінде шыққандықтан, бой бермей, біраз аумақты жылын шарпыған. Сондықтан өрт сөндірушілерге полиция және қалалық су арнасы кәсіпорны көмекке келді. 17 техника мен 80-нен аса адам жабылып, 3 сағаттан соң ғана өрт сөндірді. Алдын ала мәліметке қарағанда, жалынның тұтануына электр сымының тұйықталуы себеп болған. Қазір барлық шығын есептеліп жатыр.

Айбек Әбілдинов, кәсіпкер:
Ет сатамыз біз. Осында қалған өнім әбден ысталып, күйіп кеткен екен. Ол өнім енді саудалауға жарамсыз. Шамамен 500 мың теңгенің еті қалған еді. Не істерімді, кімге шағым айтарымды білмеймін. Біраз адам шығынға батып, жұмыссыз қалдық.

Болат Аманбаев

өрт Павлодар

Хабарламаларға жазылу