Трамп қоғамдық шараларға оралуға дайын - «Qazaqstan» Ұлттық телеарнасы

Трамп қоғамдық шараларға оралуға дайын

09.10.2020

АҚШ президенті Дональд Трамп қоғамдық шараларға сенбі күні оралуға дайын. Мұны оның дәрігері Шон Конли мәлімдеді. Доктордың сөзінше, мемлекет лидері ем-домды жақсы қабылдап, денсаулығын қалыпқа келтірді. Конлидің өзге бір мәліметінше, Трамп коронавирустан емделу курсын аяқтады деуге болады. 

Ақ үй басшысының өзі апта соңында көпшілікпен кездесіп, үгіт-насихат науқанын өткізуге үміт білдіріп отыр. 

Айта кетсек, АҚШ-та президенттік сайлау қарашаның 3-де өтеді. Оған дейін Трамп демократиялық қарсыласы Джо Байденмен екі теледебат өткізуі керек.

Арыстан Рысбек

Дональд Трамп АҚШ коронавирус

Хабарламаларға жазылу