Жаңалықтарды Telegram арнамыздан оқыңыз!Әлемді жайлаған коронавирустың екпіні әлі де сейіле қойған жоқ. Сондықтан дәрігерлер көпшілікті босаңсымай, карантин талаптарын сақтауға шақырып отыр. Мамандар індетті таратпау үшін арқаны кеңге салатын шақ әлі ерте екендігін ескертуде.
Лена Қасабекова, эпидемиолог:Коронавирустық инфекцияның алдын алу шараларын біз осы наурыз айынан бері айтып келе жатырмыз. Әлі де айта береміз. Қоғамдық орындарда, қоғамдық транспорттарда жүрген кезде беторамалдар ұстап жүрген дұрыс. Сөйлеген кезде, жөтелген кезде ауызды бірреттік орамалмен басып, жөтелген дұрыс. Ауруды емдегеннен көрі, аурудың алдын алған оңайырақ әрі жеңілірек.
Динара Мырзахметова, жоғары санатты акушер-гинеколог:Карантин шараларын сақтауды әлі де ұмытпауымыз керек. Маска мен арақашықтық сақтаудан бөлек, қоғамдық орындарға барғаннан кейін қолмен көзді, ауызды ұстамау қажет. Өз денсаулығымыз үшін шыдамдылық танытқан абзал.
