Жаңалықтарды Telegram арнамыздан оқыңыз!Алматыда қала күніне орай 265 отбасы баспаналы болды. Үй кезегінде тұрғандарға коммуналды тұрғын үй қорынан пәтер ұсынылып отыр. Баспана шаһардың Түрксіб және Алатау аудандарында «Нұрлы жер» бағдарламасы бойынша салынған жаңа үйлерден берілді. Пәтер кілтін алған 265 адамның ішінде 29 жетім бала, 120 көпбалалы отбасы мен мүгедектер, толық емес отбасы мүшелері бар.
Алматыда жыл басынан бері мыңнан астам жанұя баспаналы болды. Жыл соңына дейін 3500-ге жуық отбасы пәтерлі болады деп жоспарлануда. Қазір шаһарда 26 мыңнан астам адам үй кезегінде тұр.
Жаңагүл Ербазарова, қуаныш иесі:
- Өте қуаныштымын, 11 жыл күткен кілтім. Бүгін өз үйімізге барып, қонысымызды тойлаймыз. Қала күні құтты болсын!
Жазира Оразқызы
