Жаңалықтарды Telegram арнамыздан оқыңыз!Мемлекет басшының жаңа министрлік пен қос агенттік құру туралы Жарлығы жарық көрді. Оған сәйкес мемлекеттік органдар қатарына Төтенше жағдайлар министрлігі, Стратегиялық жоспарлау және реформалар, Бәсекелестікті қорғау және дамыту агенттіктері қосылды.
Қайта құрылатын Төтенше жағдайлар министрлігіне табиғи және техногенді апаттардың алдын алу және жою, азаматтық қорғаныс, өнеркәсіптік қауіпсіздікті қамтамасыз ету құзыреті берілді.
Стратегиялық жоспарлау және реформалар агенттігіне Ұлттық экономика министрлігінің мемлекеттік жоспарлау және статистика жүргізу міндеттері беріледі. Ал Бәсекелестікті қорғау және дамыту агенттігі тауарлар нарығындағы бәсекелестікті қадағалап, монополия саласын реттеуі тиіс.
Азамат Алдоңғар
