Жаңалықтарды Telegram арнамыздан оқыңыз!Түркияда коронавирус эпидемиясы екінші рет шарықтау шегіне жетті. Бұл туралы елдің Денсаулық сақтау министрі Фахреддин Коджа хабарлады.
Вирус, әсіресе, Анкара мен Стамбұлда өршіп тұр. Мамандар мұны демалушылардың қауіпсіздік шараларын сақтамауымен түсіндіріп отыр.
Соңғы тәулікте COVID-19-ды 1596 адам жұқтырса, 45-і одан қайтыс болды. Бұл – маусымнан бергі ең жоғары көрсеткіш. Жалпы, Түркияда жұқпалы кесел 273 мыңнан астам адамнан анықталды. Ал әлем бойынша мұндай науқастар саны 26 миллионнан асып, 863 мыңдайы жан тәсілім еткен.
Жансая Қапасқызы
