Басты Жаңалықтар Кәмелетке толмаған қыздарды азғындыққа итермелеген Ұлыбритания азаматының ісі сотта қаралуда

Кәмелетке толмаған қыздарды азғындыққа итермелеген Ұлыбритания азаматының ісі сотта қаралуда

11.06.2014 05:30

Оралда кәмелетке толмаған қыздарды азғындыққа итермелеген Питер Барухтың ісі сотта қарала бастады.

Қылмыстық Кодекстің екі бабы бойынша Питер Барух 9 жылға дейін бас бостандығынан айырылуы мүмкін.

Жәбірленуші тараптан кәмелетке толмаған қыздардың қатысуына байланысты сот отырысы жабық жағдайда өтуде.

Ақпан айында ұсталған британдық азамат әлеуметтік желілер арқылы жасөспірім қыздармен танысып, алдап-арбау арқылы оларды жалаңаштап суретке түсірген.

Бұл үшін жас қыздарға 15-тен 70 мың теңгеге дейін ақша ұсынған.

Өзін «белгілі фотосуретшімін», деп таныстырған азғынның қолынан шыққан фотосуреттердің 2 мыңнан асатындығы анық.

Тағы бір белгілісі 7 атыраулық және 3 оралдық қыз «сән әлемінің жұлдызы боламыз», деп, опық жеген

Ал, Барух сотта кінәлі еместігін айтып жалтаруда.

Алмагүл Ысмағұлова, Орал қаласы прокурорының көмекшісі:

Айыпталушы өз кінәсін мойындамай отыр. Барух Питер жалаңаш қыздарды суретке өзі үшін түсіргендігін айтып, ақталуда. Айтуынша, ол мұндай іспен әуесқойлық мақсатта айналысқан көрінеді.

Рауан ДИӘЛИ

Бөлісу