Алматылық тұрғындар өзенге кәріз суы құйылып жатқанына шағымданды

Алматыдағы Есентай өзеніне кәріз суы құйылып жатыр. Су арнасының ластануына алаңдаған тұрғындар әлеуметтік желіге бірнеше күн бұрын видео жариялап, тиісті мекемелерден көмек сұраған еді. Бүгін жауаптылар аталған мекенжайға барып, өзенге қосылған орталық кәріз құбыры екендігін анықтады.

Медеу ауданының тұрғыны кәріз суы Байқоңыр көшесі бойындағы тау бөктерінде орналасқан үйлердің құбырынан шығып, Есентай өзеніне құйылып жатқанын айтады. Алдымен мұнда қалалық экология департаментінің өкілдері судан сынама алып, зерттеуге кірісті.