Бейрутта болған жарылысқа қатысты ҚР Сыртқы істер министрі түсініктеме берді

«Жарылыс туралы ақпарат алғаннан кейін Президент Қасым-Жомарт Тоқаев Сыртқы істер министрлігіне Ливандағы қазақстандық азаматтардың қауіпсіздігін қамтамасыз етуді тапсырды. Қазіргі уақытта Қазақстанның 113 азаматы Ливанда консулдық есепте тұр. Қазақстандықтардың арасында зардап шеккендер жоқ»,- деді ҚР Сыртқы істер министрі Мұхтар Тілеуберді.

Кеше Ливан астанасы Бейрутта болған екі жарылыс салдарынан 78 адам қаза тауып, 4 мыңнан астам адам жарақат алған, қаланың бірнеше ауданы толықтай қираған. Елде аза тұту күні жарияланды.