Жұмыссыздар тегін оқытылып, жұмысқа орналастырылады

Жұмыссыз қалған елордалықтар тегін оқытылады. Осы ретте, қаладағы жұмыспен қамту орталығы еңбек етуге ниеттілерден өтініштер қабылдауды бастады. «Еңбек» бағдарламасы аясында табысынан айырылғандар аспаз, тігінші, шаштараз, ағаш шебері, ағаш шебері және дәнекерлеуші тағысын тағылар сынды еңбек нарығына аса қажет мамандықтар бойынша қысқа мерзімді кәсіптік даярлықтан өтеді.

Тегін курс бір айдан үш айға дейінгі аралықты қамтиды. Оқытудан соң, азаматтар жұмысқа орналастырылады.

Сондай-ақ, оқу кезеңінде жұмыссыздарға 21 787 теңге көлемінде шәкіртақы және медициналық тексеруден өту үшін 5 556 теңге мөлшерінде материалдық көмек төленбек. Бағдарламаға жұмыспен қамту орталығына тіркелген жұмыссыздар, жұмысынан қысқарғандар қатысуға құқылы.