Жаңалықтарды Telegram арнамыздан оқыңыз!Шымкентте жасөспірімдер жаппай төбелесіп, бір адам ауыр халде ауруханаға жеткізілді. Кикілжің шаһардың шеткері аумағы саналатын Тоғыс елді мекенінде түнгі сағат 23:00 шамасында болған.
Алдын ала сөз байласқан бір топ жеткіншек қарсыластарын азық-түлік дүкені маңына шақырған. Сол жерде жәбірленушіні жабылып ұрып, басын жарған. Саусақтарына да айтарлықтай зақым келтірген. Одан өзге соққыға жығылғандардың бірі мектеп оқушысы, екіншісі колледж студенті. Басты күдікті мен оның 4 серіктесі абақтыға жабылған. Мұнан бөлек күдіктілердің қасында жүрген тағы үш жасөспірімнен жауап алынып жатыр.
Ғани Қалмахан
