Тұқымбақта өсірілген мыңнан астам дуадақ еркіндікке жіберілді

22.05.2020

«Қызыл кітапқа» енген ен даланың еркін құсы дуадақтың мың тұқымы Түркістан облысының аумағындағы Қызылқұм даласына еркіндікке жіберілді.  

Араб Әмірлігіндегі арнайы тұқымбақта өсірілген құстар бүгін өңірге арнайы ұшақпен жеткізілді. Сайын даланың төсіне қанат қаққан құстардың барлығының аяғында сақина бар. Онда дуадақтардың қай тұқымбақта өсірілгені, табиғатқа қашан жіберілгені секілді деректер жинақталған. Бұл олардың тіршілік ету ортасы туралы мәлімет жинақтауға және соның негізінде ғылыми зерттеулер жүргізуге мүмкіндік береді. Табиғат аясына жіберілген дуадақтың «джек» деп аталатын түрі. Олар негізінен Орта Азияның шөлейтті аймақтарын мекендейді. Сондай-ақ еліміздің Оңтүстігінің табиғатына да тез бой үйретеді.

Ғани ҚАЛМАХАН


Хабарламаларға жазылу