Мақтааралдықтар үшін Мырзакенттен жаңа шағын аудан салынуда

10.05.2020

Үй-жайы топан судың астында қалған мақтааралдықтарға Мырзакент ауылында жаңа шағын аудан салына бастады. Бүгін Қазақстан мен Өзбекстанның Премьер-министрлері құрылыстың іргетасын құйды. Асқар Мамин мен Абдулла Арипов алдымен Мақтаарал ауданының су басқан аумақтарын аралап шығып, Нұрлыжол, Өргебас және Фирдоуси ауылдарында апат салдарын жою жұмыстарымен танысқан. Қазақстан Үкіметінің басшысы жергілікті халықпен кездесуде зардап шеккендерге мемлекет қазынасынан 100 мың теңгеден бөлінетінін айтты.

Президент Twitter-дегі парағында: «Су ресурстарын тиімді әрі әділ пайдалану мәселесі өзбек тарапымен тығыз байланыста шешілетін болады», -деп жазды.

Ғани ҚАЛМАХАНОВ


Хабарламаларға жазылу