Аргентинада 70 мыңға жуық адам карантин режимін бұзғаны үшін жазаланған

Аргентинаның құқық қорғау органдары бір жарым ай ішінде COVID-19 пандемиясына байланысты елде жарияланған карантин режимін бұзған 69 965 адамды анықтаған. Сонымен қатар, төрт мыңнан аса автокөлік айып тұрағына жеткізілген. Олардың барлығы қоғамдық орындарда рұқсатсыз жүрген.

20 наурыздан бастап Аргентинада жалпы ұлттық деңгейдегі карантин режимі енгізілген болатын. Пандемия белең алғалы елде 5 мыңға жуық адам COVID-19 вирусын жұқтырғаны анықталса, 249 адам қайтыс болған.

Елде коронавирустың жаңа ошағы анықталмаса, Аргентина билігі 10 мамырдан бастап карантин режимін бәсеңдетеді деп жоспарлануда.

РИА