Сирияда уақытша парламент құрылды

Сирияда ұзаққа созылған саяси дағдарыстан соң бірінші өтпелі парламент құрылды. Елдің уақытша президенті Ахмед әш-Шараа қалған 70 депутатты тағайындады. Олардың 15-сі әйел. Заң шығарушы органның алғашқы отырысы келесі аптада өтпек. Сирияның Ұлттық ассамблеясы осыдан 8 ай бұрын жасақтала бастады. Сол кезде 210 мүшесі бар палатаның үштен екісін аймақтық сайлау алқалары сайлаған еді. Жаңа парламенттің өкілеттік мерзімі 2,5 жылға созылмақ. Бұдан кейін Конституция қабылданып, жаңа сайлау өтуі тиіс.