«Дос-Мұқасан» ансамблінің негізін қалаған Хамит Санбаев дүниеден озды

Ақпаратты ансамбльдің арт директоры Данияр Құсайынов растады.

«Хамит Санбаев ұзаққа созылған аурудан кеше 78 жасқа қараған шағында дүниеден өтті. Ол кісі ансамблдің құрылуына үлкен үлес қосты, сырқатына қарамастан барлық мерейтойға қатысып жүрді»,- деді Құсайынов.

«Дос-Мұқасан» тобы 1967 жылы құрылған. Ансамбльдің негізін Досым Сүлеев, Мұрат Құсайынов, Хамит Санбаев, Александр Литвинов қалаған.

Хамит Санбаев 1967-1972 жылдары топтың құрамында өнер көрсеткен, саксафон тартқан.