Жаңалықтарды Telegram арнамыздан оқыңыз!Денсаулық сақтау министрлігі таратқан соңғы ақпарат бойынша, елімізде коронавируске шалдыққандар саны - 10 адамға жетті. Оныншы науқас 15-наурыз Стамбул-Алматы рейсімен ұшып келген. Ол 1986 жылы туған азаматша.
Сонымен індетті жұқтырғандардың сегізі - Алматыда, екеуі - Нұр-Сұлтанда ем қабылдап жатыр.
Осы уақытта 1641 адам стационарлық карантинде және 981 адам үй карантинінде жатыр. Сондай-ақ, Қытайдан және көрші мемлекеттерден келген азаматтарды да тексеру жалғасуда. Барлық санат бойынша 2537 адам бақылауға алынған. Оның ішінде «1-а» санатында - 1626, «1-б» санатында - 564, 2-санатта - 347 адам бар. Бақылауға алынғандардың 480-і тексеруден кейін мониторингтен шығарылса, 2057 адам әлі де бақылауда тұр.
Аманкелді СЕЙІТХАН
