Коронавирус: Талдықорғанда Италия азаматы карантинге жатқызылды

Талдықорған ауруханасының инфекциялық бөліміне Италия азаматы карантинге жатқызылды. Ақпаратты Талдықорған қаласы әкімдігінің ресми өкілі растады.

Шетелдік азамат 15 наурыз күні, жексенбіде жатқызылған.

«Қазіргі таңда Талдықорған қаласында коронавирус оқиғасы тіркеле қалған жағдайда 100 орынды инфекциялық бөлім дайын тұр. Аурухана дәрі-дәрмек пен жеке қорғаныш заттарымен 100 пайыз қамтылған. Қауіпті індетке күдігі бар науқастарды оқшаулау және жатқызу 7 медициналық ұйымның фармацевтикалық бөлімдерінде жүзеге асырылады», - делінген хабарламада.